Viatge del CAOC a Clarmont-Lodeva-Pesenàs
O avèm encara poscut constatar dimenge 27 de mai a Clarmont d’Erau, l’occitan permet de se comprene entre occitans e catalans !
Alavetz, nòstres amics catalans del Centre d’Afrairament Occitanò-Catalan (CAOC) de Barcelona sont venguts vistalhar Clarmont e son ròdol aquela dimenjada de Pentecòsta dins l’encastre de son viatge anual.
Jòrdi Peladan (MARPOC) vici-president del CAOC occitan, sa femna Miquelina Peladan, Núria Bayó, presidenta del CAOC catalan, la secretària e d’autres catalans del CAOC e sos amics de Clarmont, Lodeva, Pesenàs e Bedarieu se son poscuts encontrar pendent aqueles tres jorns de visitas festivas.
Al programa, lo 26 de mai, visita del musèu Fleury a Lodeva e la serada occitana de polifonias mascles dels Pegomas.
Lo 27, la visita de Clarmont, Liausson, Morèsa, Vilanoveta e Grandmont s’acabèt per un concèrt de la corala Santalou (Cantal) a l’abàdia de Grandmont.
Imma Amorós Macau prenguèt l’iniciativa de cantar amb eles lo Còr dels Esclaus de Nabucò de Verdí !
Maria-Cristina Borgada, la primièra ensenhanta d’occitan sus Internet en França, de l’associacions Teleòc (Clarmont), foguèt la guida dins los endreches mai polits del Clarmontés.
Lo diluns 28, abans lo retorn a Barcelona, Pesenàs, la ciutat de Molière, foguèt lo teatre d’una enquista vertadièra sus las piadas de “l’occitan”, la moneda alternativa locala !
Maria-Cristina Borgada
Article sul jornal “Midi Libre” (2/6/2012).
Enregistrament en occitan per la poetassa de Clarmont d’Erau, Maria Cristina Borgada.