Descobrir Occitània en occitan
Perqué ne pas descobrir Occitània, en occitan, o visitar endrets, apréner l’istòria e la lenga occitana, en VO, o a còp en francés preus curiós. Perqué esperar après la mesa en plaça d’accion publicas quan la societat civila la pòt devançar e motivar las soas accions ? Perqué esperar la fin de l’acantonament ? O perqué esperar après guides oficiaus qui ne son pas briga interessats per la lenga e la cultura occitanas ? D’ara enlà, mercés a la plata-fòrma (la mapa de las visitas disponiblas sul site), que serà possible de conéisher e d’utilizar, a distància o sus plaça, dens la lenga de l’endret, visitas audioguidadas…
Mei d’ua apèr que’s pòt utilizar, mes que podètz tre ara beneficiar de l’experiéncia de l’IEO endé descobrir, e perqué pas perpausar, visitas doman o doman passat.
… las primièras visitas :
– BAIONA : Los grans òmes e las granas hemnas de Baiona : endé descobrir personatges emblematics ; Lo Petit Baiona : entre Niva e Ador, quauques poètas gascons… ; Quartier Sent Esperit : de l’aute costat d’Ador
– ANGLET : Ador : au nòrd de la còsta anglòia, l’origina d’Ador, geografica e mitica dab lo Gargantuá. ; A l’entorn de l’espuga de la Crampa d’Amor : au sud d’Anglet, tostemps pròishe de la còsta : legenda, vin, pesca e caça a l’anciana… ; A la descobèrta de la natura e de la fauna
– BIARRITZ : Las arròcas de Biàrritz : Que son plan visibles e qu’an tots, o quasi, ua istoèra a nos condar !
Lo Miquèu Baris, contaire e poèta lanusquet qui damòra a Ondres que’ns perpausa, en partenariat dab associacions gasconas, visitas en VO e en francés deu B.A.B. !
D’autas visitas que son de’s crear, en Gasconha e alhors en Occitania…
Participar ? S’informar ? comunicacion@ieo-oc.org
• izi.TRAVEL, plateforme gratuite d’audioguides : Mei d’un apèr que’s pòt utilizar. Per aquestas purmèras visitas, l’IEO qu’utiliza IZI.travel qui se pòt utilizar suu telefonet, la tauleta o l’ordinator. E qu’es gratuit.
• De descobrir (per utilizar sus plaça o a l’ostal) : https://www.mediateca-ieo.org/la-mapa-de-las-visitas
Tèxt tirat de: Ostal Sirventés