Estagi de lenga occitana: «Revirar en occitan: Enjòcs e practica»

La tresena jornada d’estagi del cors de nivèl 3 organizat per l’IEO Arièja se tendrà a l’Espaci occitan de Pàmias lo dissabte 23 de març sus la tematica « Revirada : enjòcs e practica » amb Sèrgi Carles.

Le Sèrgi Carles fasquèc regent e conselhièr pedagogic d’occitan. Son experiéncia de traductor es de las bèlas : revirèc manuals per l’ensenhament en occitan dins l’Educacion nacionala e libres pel public jove, mena tanben dempuèi annadas una òbra de traductor literari : Una cadena de voses (A Chain of Voices d’André Brink), La vida de Lazarillo de Tormes, Divendres o la vida salvatja (Vendredi ou la vie sauvage, Michel Tournier)…
Aquela jornada d’estagi serà menada, a l’entorn d’un trabalh comun de revirada aprestat de per avança e de tornar al formator abans le 12 de març. Les tèxtes vos seràn mandats al moment de l’inscripcion per l’IEO 09.
Atencion ! Marcatz-vos lèu que lo nombre de participants es limitat a 15 personas. Mai d’entresenhas en pèças juntas.

Programa de formacion / Programa Cors de nivèl 3.

Entresenhas e reservacions : IEO 09 – 11 rue Henri Fabre – 09100 PAMIERS 05 81 06 03 88 – ieo09@orange.fr

X