XXVIII Dictada Occitana – Barcelona
Dissabte 25 de genièr de 2025 s’es debanada a Barcelona la XXVIII DICTADA OCCITANA, dins la Sala d’Actes del Departament d’Educacion e Formacion Professionala de la Generalitat de Catalonha (Via Augusta 202-206). A balhat la planvenguda a totes Pere Mayans, Cap del Servei de Suport i Recursos Lingüístics de la Generalitat de Catalonha, e la Presidenta del CAOC, Esther Lucea.
Ongan i an participat mai de 70 personas. D’aquestas, mai de 50 liurèron lo Dictat, amb l’opcion majoritària de las doas variantas.
La Dictada se debanèt coma d’abituda, amb la novetat qu’avèm causit tanben un tèxte en varianta aranesa. Los participants escotèron tres lecturas de cadun dels tèxtes de la Dictada. La lectura de Crana muralha foguèt facha pels professors d’occitan Raquel Olivella e Jaume Figueras. E Era revolucion verticau foguèt dictat pels professors Manèl Zabala e Ferriol Macip.
La Dictada finida, una jurada compausada pels professors e pels ensenhaires d’occitan faguèt la correccion dels trabalhs dels participants. Après la Dictada, los participants poguèron gaudir d’un vespralh. A la seguida, danças occitanas e aprèp, 17 oras, un concèrt amb la cantant de musica occitana Anaís Falcó.
Fin finala, arribèt lo moment de conéisser los ganhants d’ongan. Los representants de la jurada e Andreu Freixes, subdirector general de Llengües del Departament d’Educació, legiguèron los noms dels diferents premiats, que son:
ADULTES
Primièr prèmi: MARIONA ALBAREDA
Segond premi (Dictada occitan estandard): JORDI ORTIZ DE ANTONIO
Segond premi (Dictada aranés): JOAN FIBLA SANCHO
Tresen premi (Dictada occitan estandard): MARC COMAS
Tresen premi (Dictada aranés): ARNAU GÜELL
PROFESSIONAL
Primièr prèmi: RAIMON BALAGUÉ PUIG
JUVENIL
Primièr prèmi: ORIOL TERÉS PUEYO
Segond prèmi: IRIS TERÉS PUEYO
Lo primièr classificat adult (aquel que faguèt mens dècas als dos dictats) ganhèt, en mai dels prèmis balhats a aquel moment, una borsa per assistir a l’EOE ongan. Aguèron tanben un prèmi especial los que faguèron mens dècas al dictat de caduna de las variantas. Lo melhor classificat del Dictat aranés ganhèt un còrs d’occitan referencial al CAOC. Lo melhor classificat en referencial, ganhèt un còrs d’aranés a la UB. Los autres classificats del concors e totes los participants aguèron tanben de prèmis.
Premiats e jurada – Dictada Occitana 2025.
An collaborat a aquela edicion de la Dictada Occitana los Departaments d’Educacion e de Politica Lingüistica de la Generalitat de Catalonha. Serveis Lingüístics UB. DIBA. Grup62, Publicacions Abadia de Montserrat, Éditions des Régionalismes, L’Aucèu libre, Pagès Editors, Editorial Barcanova, CNL Barcelona-Gràcia, Fent País Cooperativa, Plataforma per la Llengua, Òmnium Cultural, Lo Grelh Roergàs, Edicions Reclams, Sàpiens Publicacions, Òc Brigada Internacional, Ben Aisit, Vent Terral, Edition Edite-moi, IEA-AALO, IEO-Ideco, Jornalet.
