Lo teatre de Max Roqueta

Un eveniment editorial : la publicacion de 5 pèças teatralas de Max Roqueta per las edicions Letras d’òcTeatre.

Un ramelet de mots, de personatges, de sentiments que nos pertòcan al pus prigond e desvela l’importància màger de l’escritura teatrala de Max Roqueta e sa diversitat.

Edicions Letras d’Òc.

Doas pèças plan de mal trobar ara : 

La Pastorala dels volurs, pastorala umanista, e La Podra d’embòrnia, jòcs de l’amor e de la vida dins la Republica de Venècia,

e tres autras pèças demoradas ineditas :

Canta-Loba, dialògue de reis e de trobadors dins un oratorio qu’espèra encara lo creator de sa musica, La Ròsa bengalina, fantasiá poetica e magica, batèsta entre poder e amor, e fin-finala, La Gruma e la Sau, reflexion suls camins de l’existéncia.

Abans-dire de Joan-Claudi Forêt

https://www.letrasdoc.org/oc/catalogue/teatre/  ; 448 paginas ; 27 €

L’edicion de cinc pèças de teatre de Max Roqueta permetrà als amators de literatura occitana de legir una part essenciala de son òbra.

De la pastorala umanista (La Pastorala dels volurs) als jòcs de l’amor e de la vida dins la Republica de Venècia (La Podra d’embòrnia), dels cants de reis e de trobadors dins un oratorio qu’espèra encara lo creator de sa musica (Canta-Loba) a una fantasiá poetica e magica, batèsta entre poder e amor (La Ròsa bengalina), fins a una reflexion suls camins de l’existéncia (La Gruma e la Sau), descobrissèm tota la diversitat de son teatre.

Aqueste ramelet de mots, de personatges, de sentiments que nos pertòcan al pus prigond, desvela l’importància màger de l’escritura teatrala de Max Roqueta.

Tèxt: IEO Aude – Ostal Sirventés / Letras d’Òc

X